पूर्वपश्चिम राजमार्गअन्तर्गत नवलपरासीको विनियी त्रिवेणीमा यात्रु बस दुर्घटनामा परेर २३ जना घाइते भएका छन्। काठमाडौंबाट भारतको राजस्थानतर्फ जाँदै गरेको बस विनयी त्रिवेणी–१ स्थित विनयीखोला नजिक अनियन्त्रित भइ सडकमा पल्टिएको हो।
जिल्ला प्रहरी कार्यालयका प्रहरी नायब उपरीक्षक वेदबहादुर पौडेलका अनुसार आरजे १४ पीसी ३५४५ नम्बरको बसमा करिब ४५ जना यात्रु सवार थिए। दुर्घटनामा परेका २३ जनालाई स्थानीय विनियी त्रिवेणी आधारभूत अस्पतालमा उपचार गरिरहेका छन्। अन्य यात्रु भने सकुशल रहेका जानकारी प्राप्त भएको छ।
प्रहरीले घटनाबारे थप अनुसन्धान गरिरहेको जनाएको छ।
