बैतडी जिल्लाको सिगास गाउँपालिका–५ खैरकोटका ३८ वर्षीय रनी धामी मृत अवस्थामा भेटिएका छन्। प्रहरी निरीक्षक जनक राज ढुगांनाका अनुसार शुक्रबार वडा नं. ३ को गजीण भिरमा स्थानीयहरुले घास काट्ने क्रममा धामीको शव फेला पारेका थिए।
घटनाको पृष्ठभूमिमा, रनी धामीका १२ वर्षीय छोरा भाद्र ३० गते घरबाट भागेका थिए। छोरालाई ठाँटा प्रहरी चौकीमा आफन्तहरुले बुझाएको खबर पाएपछि, रनी दम्पतीले भोलिपल्ट बिहान छोरालाई लिन भनि घर छाडेका थिए। उनकी श्रीमती र छोरा सुरक्षित रूपमा घर फर्के पनि रनी पाँच दिनपछि मृत अवस्थामा फेला परेका हुन्।
वडा सदस्य मान सिंह धामीले घटनाको पुष्टि गर्दै, थप अनुसन्धान भइरहेको जानकारी दिए।
