नेकपा माओवादी केन्द्रले कात्तिक १० गते काठमाडौंमा खबरदारी सभा गर्ने निर्णय
नेकपा माओवादी केन्द्रले कात्तिक १० गते काठमाडौंको प्रदर्शनीमार्गमा एक खबरदारी सभा गर्ने निर्णय गरेको छ। यस सभाले सरकारका गलत कदमहरूको विरोध गर्न र महत्त्वपूर्ण कार्यहरूमा ध्यानाकर्षण गराउनका लागि आयोजना गरिएको हो।
पार्टी अध्यक्ष पुष्पकमल दाहाल प्रचण्डले आज पेरिसडाँडामा आयोजित पार्टीको बागमती र विशेष प्रदेश समन्वय समिति तथा जनवर्गीय संगठनका इञ्चार्ज र अध्यक्षहरूको संयुक्त बैठकमा यसबारे जानकारी गराएका थिए। उनले सबै कमिटीलाई खबरदारी सभाको तयारीमा जुट्न निर्देशन पनि दिएका छन्।
माओवादी केन्द्रले सरकारको विपत् व्यवस्थापनमा देखिएको असंवेदनशीलता र गैरजिम्मेवारीपनका कारण समस्या समाधान गर्न, बेपत्ता भएको व्यक्तिहरूको खोजी गर्न, राहत वितरण गर्न, घाइतेहरूको उपचारमा ध्यान दिन, अस्थायी आवास निर्माण लगायत पुनर्निर्माण र पुनर्स्थापनामा देखिएका चुनौतीहरू समाधान गर्नका लागि यो सभा आयोजना गरेको उल्लेख गरेको छ। साथै, पार्टी नेतृत्वको सरकारले सुरु गरेको सुशासनको अभियानलाई कमजोर बनाउन भइरहेका षड्यन्त्र र भ्रष्टाचारजन्य गतिविधिलाई निष्तेज पार्न पनि यस सभाको उद्देश्य रहेको बताइएको छ।
