तम्घासबाट बुटवल आउँदै गरेको कार रुरुक्षेत्रमा दुर्घटना, दुई जना घाइते

गुल्मीको तम्घासबाट बुटवलतर्फ आउँदै गरेको एक कार रुरुक्षेत्र गाउँपालिका–१, रुरु संस्कृत विद्यापीठ नजिक दुर्घटना भएको छ। इलाका प्रहरी कार्यालय, रिडीका अनुसार कारमा सवार दुई जना यात्रु घाइते भएका छन्।

दुर्घटना हुनासाथ स्थानीय बासिन्दा र सुरक्षाकर्मीहरूले उद्धारमा खटिएका थिए। प्रारम्भिक विवरण अनुसार कार सडकबाट अनियन्त्रित भई तल खस्दा उक्त दुर्घटना भएको हो। दुर्घटनास्थलमा केही क्षण यातायात अवरुद्ध भए पनि तत्कालै व्यवस्थापन गरिएको छ।

घटनामा घाइते भएका दुवै जनालाई प्रारम्भिक उपचारका लागि नजिकैको स्वास्थ्य केन्द्रमा लगिएको छ भने अवस्था गम्भीर देखिएमा थप उपचारका लागि बुटवल लैजाने तयारी भइरहेको प्रहरीले जनाएको छ।

घटनाको थप विवरण प्राप्त हुन बाँकी छ र प्रहरीले दुर्घटनाको कारण पत्ता लगाउन अनुसन्धान जारी राखेको छ।