रौतहटको चन्द्रपुर नगरपालिका–४, धन्सार पुल नजिकैको जंगलमा स्कारपियो दुर्घटनामा ८ जनाको मृत्यु भएको छ भने पाँच जना घाइते भएका छन्।
पूर्वपश्चिम राजमार्गमा निजगढबाट चपुरतर्फ आउँदै गरेको बा १६च ३१६२ नम्बरको स्कारपियो दुर्घटना भएको प्रहरीले जनाएको छ।
मृत्यु हुनेमा सिरहाको अर्नमा गाउँपालिका-३ बंठियाटोलकी ६० वर्षीया लरुवतीदेवी महरा, सोही ठाउँकी ३० वर्षीया उर्मिला महरा, ५० वर्षीया रामकुमारी महरा, ५५ वर्षीया महगींदेवी महरा, ६२ वर्षीया फुलमन्तिदेवी चमार, ६० वर्षीया रामकुमारीदेवी महरा, ३० वर्षीया सकुन्तलादेवी महरा र अर्नमा गाउँपालिका-५ बलुवाटोलका ४० वर्षीय स्कारपियो चालक श्रीकुमार यादव रहेका छन्।
दुर्घटनामा घाइते हुनेमा अर्नमा-३ की ३० वर्षीया राधा राम, सोही ठाउँका उमेश रामका २ वर्षीय छोरा आर्यन, २५ वर्षीया देवकुमारी महरा, उनका ७ वर्षीय छोरा रितिक महरा, र अर्नमा-३ कै ६० वर्षीया कन्यादेवी महरा छन्।
घाइतेहरूको उपचार हाइवे ट्रम्मा अस्पताल र वीरगञ्जको बयोधा अस्पतालमा भइरहेको प्रहरीले जानकारी दिएको छ।
