डडेल्धुरा, १ डिसेम्बर : डडेल्धुरा जिल्लाको आलिताल गाउँपालिका-१ मेलखर्कका ६३ वर्षीय अम्बर बहादुर बोहरा लागुऔषध चरेशसहित पक्राउ परेका छन्। प्रहरीले बोह्रालाई १ सय १८ ग्राम चरेशसहित पक्राउ गरेको हो।
प्रहरीका अनुसार, अम्बर बहादुर बोह्राले चरेशलाई आफ्नो पसलको तरकारीको सामानमा लुकाएर राखेका थिए। सूचना प्राप्त भएपछि प्रहरीले उक्त स्थानमा छापा मारेर उनलाई पक्राउ गरेको हो।
चरेशसँगै बोह्रालाई लागुऔषध सम्बन्धी मुद्दामा अनुसन्धान भइरहेको प्रहरीले जनाएको छ।
