सुदूरपश्चिमका स्पिनरको घातक बलिङसामु निरीह देखिँदै जनकपुर ७२ रनको ठूलो अन्तरले पराजित भएको छ । नेपाल प्रिमियर लिग (एनपीएल) अन्तर्गत बुधबार भएको खेलमा जनकपुरले १२४ रनको लक्ष्य पछ्याउँदै १२.१ ओभरमा ५१ रनमा आलआउट हुनुपर्यो।
खेलमा सुदूरपश्चिमको बलिङले जनकपुरका ब्याटरहरूलाई शुरुमै दबाबमा राखेर यो नतिजा ल्यायो। जनकपुरले चार खेल जितेर सानदार सुरुवात गरेपनि, यो पहिलो हारपछि प्लेअफमा स्थान बनाउन अझैपनि संघर्ष गर्नुपर्ने देखिएको छ।
जनकपुरका लागि जोसुअ ट्रोम्पले १३ रन बनाउँदै सबैभन्दा धेरै योगदान गरे भने, अन्य खेलाडीले दोहोरो अंकमा रन बनाउन सकेनन्।
सुदूरपश्चिमका बलरहरूले उत्कृष्ट प्रदर्शन गर्दै जनकपुरलाई ५१ रनमा आलआउट गरे। सुदूरपश्चिमका लागि हर्मित सिंह, दीपेन्द्र सिंह ऐरी र इशान पाण्डेले दुई-दुई विकेट लिए। साथै, सैफ जैब र नरेन साउदले समान एक-एक विकेट लिएका थिए।
स्कट कुगुलेइनेलले बलिङको पहिलो बलमै विकेट लिएर जनकपुरका लागि थप दबाब सिर्जना गरे।
यसअघि सुदूरपश्चिमले टस हारेर पहिले ब्याटिङ गर्दै २० ओभरमा १२३ रन बनाएर ९ विकेट गुमाएको थियो। सुदूरपश्चिमका लागि विनोद भण्डारीले ३३ रन बनाएर उत्कृष्ट प्रदर्शन गरे। साथै, सैफ जैबले २१, इशान पाण्डेले १७, र ब्राण्डन म्याकमुलेनले ११ रन जोड्दा सुदूरपश्चिमको टोलीले राम्रो स्कोर बनायो।
सुदूरपश्चिमको इनिङ्समा ५५ रनमा पहिलो विकेट गुमाएको थिएपछि यो साझेदारी भित्र्याउन थालिएको थियो। हर्ष थाकरले आठौं ओभरमा यो साझेदारी तोडेपछि सुदूरपश्चिमले नियमित रूपमा विकेट गुमाउन थाल्यो।
जनकपुरका लागि किशोर महतोले ४ ओभरमा ३५ रन खर्चेर ४ विकेट लिएका थिए। शेर मल्लले ४ ओभरमा १९ रन खर्चेर २ विकेट, र अरनिको यादवले ३ ओभरमा १६ रन खर्चेर २ विकेट लिएका थिए।
जनकपुरको ब्याटिङमा कमजोरी देखिएको यस खेलमा सुदूरपश्चिमको बलिङ भने एकदमै प्रभावशाली रह्यो।
