प्रधानमन्त्री ओलीले पत्रकार सुरेश रजकको परिवारसँग भेटेर दोषीमाथि कडा कारबाहीको आश्वासन दिए
प्रधानमन्त्री केपी शर्मा ओलीले काठमाडौंको तीनकुनेमा आगजनीमा परेर मृत्यु भएका पत्रकार सुरेश रजकको परिवारसँग बालुवाटारमा भेट गरे। सोमबार भएको भेटमा प्रधानमन्त्री ओलीले उक्त घटनाप्रति गहिरो दुःख व्यक्त गर्दै घटनाको छानबिन गरी दोषीमाथि कडा कारबाही गरिने आश्वासन दिए। उनले सुरेश रजककी पत्नीलाई रोजगारीको व्यवस्था मिलाउने र दाहसंस्कारका लागि परिवारसँग आग्रह गरे।
सुरेश रजक १५ चैतमा काठमाडौंको तीनकुनेमा एक व्यक्तिको घरमा बसेर राजावादी समूहले गरेको प्रदर्शनको फोटो र भिडियो खिचिरहेका थिए। प्रदर्शनकारीहरुले सोही घरमा आगजनी गरेका थिए, जसको परिणामस्वरूप सुरेश रजकको मृत्यु भएको हो। उक्त प्रदर्शनको क्रममा राजावादी समूहले तीनकुने र कोटेश्वर क्षेत्रमा तोडफोड र आगजनी समेत गरेका थिए।
प्रधानमन्त्री ओलीले यस्तो घटनाको कडा निन्दा गर्दै सुरक्षा व्यवस्था सुधार गर्ने प्रतिवद्धता व्यक्त गरे।
