भारतको उत्तराखण्ड राज्यको उत्तरकाशी जिल्लाको गंगनाई नजिकै बिहीबार बिहान एक निजी कम्पनीको हेलिकप्टर दुर्घटनाग्रस्त भएको छ। भारतीय प्रहरीले दिएको जानकारी अनुसार सो दुर्घटनामा पाँच जनाको मृत्यु भएको छ भने दुई जना गम्भीर घाइते भएका छन्।
गढवाल डिभिजनल कमिश्नर विनय शंकर पाण्डेले घटनाको पुष्टि गरेका छन्। उनका अनुसार दुर्घटनापछि उद्धार टोली र प्रशासनिक अधिकारीहरू तुरुन्तै घटनास्थलमा पुगेका छन् र घाइतेहरूको उपचारका लागि तत्काल पहल गरिएको छ। दुर्घटनाको कारणबारे अनुसन्धान भइरहेको बताइएको छ।
