दाङबाट खबाङतर्फ जाँदै गरेको जीप दुर्घटना केही यात्रु गम्भीर घाइते

प्युठान – दाङबाट प्युठानको नौबहिनी–४ खबाङतर्फ आउँदै गरेको लु १ ज ४१६५ नम्बरको जीप आज खबाङ बेसी नजिक दुर्घटना भएको छ। १२ जना यात्रु सवार रहेको उक्त जीपमा दुर्घटनापछि केही यात्रु गम्भीर घाइते भएका छन्।

वडा अध्यक्ष भीम बहादुर घर्तीलाई उद्धृत गर्दै पत्रकार महेश थापाले जानकारी दिएका अनुसार घाइतेहरूको तत्काल उद्धार गरी उपचारका लागि नजिकको स्वास्थ्य संस्थामा लगिएको छ। जीप अनियन्त्रित भई सडकबाट तल खसेको प्रारम्भिक अनुमान गरिएको छ।

घटनास्थलमा स्थानीय बासिन्दा र सुरक्षाकर्मीहरू मिलेर उद्धार कार्य जारी राखिएको छ। घाइतेहरूको अवस्था गम्भीर रहेको र थप विवरण आउन बाँकी रहेको बताइएको छ।